सादा हे चंदन सादा हे खड़ाउ Sada He Chandan Sada Khadau Lyrics | Aarti Guru Baba – Panthi Geet Lyrics

स्थायी
चंदन हे सादा सादा खड़ाउ
कपड़ा हावै तोर सादा गा
जय सतनाम जय सतनाम

नाम अमर सतनाम के हावै
महिमा हे अबड़ ज्यादा गा
जय सतनाम जय सतनाम
जय सतनाम जय सतनाम

जैतखाम तोर आसन हावै
झंडा लगे आमे सादा गा
जय सतनाम जय सतनाम

नरियर सुपारी पान प्रसाद अउ
मेवा चढ़े मोर सादा गा
जय सतनाम जय सतनाम
जय सतनाम जय सतनाम

आंखी ल मूंद के धूनी म बईठे
सत के करे तैं ध्याना गा
जय सतनाम जय सतनाम

नाम अमर जग म करी डारे
पा के सत के ज्ञाना गा
जय सतनाम जय सतनाम
जय सतनाम जय सतनाम

लख चौरासी योनी के सब जीव
तोरे बर एक समाना गा
जय सतनाम जय सतनाम

परोपकारी तै हितकारी
भेद कभू नई जाना गा
जय सतनाम जय सतनाम
जय सतनाम जय सतनाम

स्थायी
जय सतनाम गुरू घासी दास बाबा
आरती उतारत हावौं सतगुरू बाबा

जय सतनाम गुरू घासी दास बाबा
आरती उतारत हावौं सतगुरू बाबा

अंतरा 1
तन कर दीयना म मन लागे बाती
सत्य के ज्योति जरे दिन अउ राती

चवर सिंघासन जम्मो श्वेत गुरू घासी
तोरे दर म मिटै जुग जुग के उदासी

द्वारिका मथुरा तैं कासी अउ काबा
आरती उतारत हावौ सत गुरू बाबा
जय सतनाम गुरू घासी दास बाबा
आरती उतारत हावौं सतगुरू बाबा

अंतरा 2
सोन के पाट अउ सोन के कलसे
चंदा अउ सुरूज मुख मंडल बरत हे

पान प्रसाद अउ मेवा चढ़त हे
चमचम प्रभा मंडल मन ल मोहत हे

दुनिया भुलागेंव मैं हा तोरे संग लागा
आरती उतारत हावौ सत गुरू बाबा
जय सतनाम गुरू घासी दास बाबा
आरती उतारत हावौं सतगुरू बाबा

अंतरा 3
जो जन गुुरू तोरे आरती ला गावै
मन वांछित बिन मांगे फल पावै

तन मन दुनो निर्मल होई जावै
सत लोक गुरू जय अमर पद पावै

जग म तैं बांधे गुरू सत कर धागा
आरती उतारत हावौ सत गुरू बाबा
जय सतनाम गुरू घासी दास बाबा
आरती उतारत हावौं सतगुरू बाबा

जय सतनाम गुरू घासी दास बाबा
आरती उतारत हावौं सतगुरू बाबा
जय सतनाम गुरू घासी दास बाबा
आरती उतारत हावौं सतगुरू बाबा