मड़वा छवउनी गीत – ममता चन्द्राकर | Madwa Chhawauni Geet Lyrics | CG Bihav Geet Lyrics

•  गीत – मड़वा छवउनी
• स्वर – ममता चन्द्राकर
• संगीतकार – प्रेम चन्द्राकर
• लेबल – सुन्दरानी
• प्रकार – छत्तीसगढ़ी बिहाव गीत
• मड़वा छवउनी गीत

स्थायी

सिरिस अऊ  खाम के दाई मड़वा छबईले

बांसे के मड़वा गड़ईले ओ मोरो दाई

अमवा के पतिया सजई लेबे ना

अमवा के पतिया सजई लेबे ना

सुरहीन गईया के गोबर मंगई ले

खुट धर अंगना लिपा ले वो मोरो दाई

मोतियन चौक पुरई लेबे ना

मोतियन चौक पुरई लेबे ना

सोन के करसा वो दाई तैं हा मढ़ई ले

घीव के दियना जलई ले वो मोरो दाई

पांच गाठ हरदी मंगई लेबे ना

पांच गाठ हरदी मंगई लेबे ना

पांच गाठ हरदी मंगई लेबे ना

पांच गाठ हरदी मंगई लेबे ना

अंतरा 1

धरमा ल केहौ जा तो गा भैया

कुम्भार ल कहिबे

मोर बर करसा ल गढ़ देबे गा भैया

मोर बर करसा ल गढ़बे

मोर बर करसा ल गढ़ देबे गा भैया

मोर बर करसा ल गढ़बे

ओमे बनईबे सारस के जोड़ी, सारस के जोड़ी

लिख देबे रामे के नामे गा भैया

लिख देबे रामे के नामे

लिख देबे रामे के नामे गा भैया

लिख देबे रामे के नामे

अंतरा 2

धरमा ल केहौ जा तो गा भैया

तै कर्रा लहिबे 

गढ़ देबे पर्रा हमारे गा भैया

गढ़ देबे बिजना हमारे

गढ़ देबे पर्रा हमारे गा भैया

गढ़ देबे बिजना हमारे

पर्रा के गढ़बे रिंगी अउ चिंगी

रिंगी अउ चिंगी

बिजना में जोड़ी के नामें गा भैया

लिख देबे जोड़ी के नामें

लिख देबे जोड़ी के नामे गा भैया

लिख देबे जोड़ी के नामें

अंतरा 3

धरमा ला केहौ जा तो गा भैया

मरार ल कहिबे

पांच गाठ हरदी ल देदेबे गा भैया

पांच गाठ हरदी ल देदे

पांच गाठ हरदी ल देदेबे गा भैया

पांच गाठ हरदी ल देदे

पांच गाठ हरदी म 

हाड रचईहौ हाड रचईहौ

लेलेबे जस तोरे नामें गा भैया

लेलेबे जस तोरे नामे

लेलेबे जस तोरे नामें गा भैया

लेलेबे जस तोरे नामे

लेलेबे जस तोरे नामें गा भैया

लेलेबे जस तोरे नामे