झन जाबे तैं मईके आज देवी परबतिया – कांतिकार्तिक | JHAN JABE MAIKE AAJ LYRICS

झन जाबे तैं मईके आज देवी परबतिया

JHAN JABE MAIKE AAJ LYRICS

CG SHIV BHAJAN LYRICS

• गीत – झन जाबे तैं मईके आज देवी परबतिया
• स्वर – कांतिकार्तिक यादव, अनुपमा मिश्रा
• गीतकार – गुरूदेव मौनी लाला जी
• संगीत – ओपी देवांगन
• प्रकार – छत्तीसगढ़ी शिव भजन
• लेबल – कोक क्रिएशन

स्थायी
हो झन जाबे
हो झन जाबे
हो झन जाबे ओ मईके आज देवी परबतिया
हो देवी परबतिया

मईके के पसिया नोहर भोला बही मतिया
रे भोला बही मतिया
मईके के पसिया नोहर भोला बही मतिया
रे भोला बही मतिया

अंतरा 1
कैलासे के चार दुवारी तोर बर धरा धाम हे
कल्प कल्प के गोठ बात हा बेरा काटे के नाम हे
पुरब जनम के दशा अर्थाथे जुग जोड़ी हा परमान हे
बावन गढ़ ला पुजावत देखे तन पचरतन समान हे
आवागमन सार हे जग म मान लेना बतिया
आवागमन सार हे जग म मान बतिया

अंतरा 2
भय बिन पिरीत पिरीत बिन भय हर दुख अउ सुख ला जनाथे गा
भाई के रहत ले मईके हावै मया रूख मईके कहाथे गा
माया बाजार के सरी बिचार हा सगरो जगत म चिन्हाथे गा
पिया पिरीत हा तिरिया परानी के सरी सुख ला पुराथे गा
तईहा गोठ बईहा लेगे सुन ले अवघड़िया
तईहा गोठ बईहा लेगे सुन ले अवघड़िया

मईके के पसिया नोहर भोला बही मतिया
रे भोला बही मतिया

अंतरा 3
उमा अउ शिव के किरती हा जग म आनी बानी के जनाथे गा
तिरिया हा जब जब जनम लेथे मईके हा मईहर कहाथे गा
कुटहा कसेली कसेर घर जाथे गुनी ज्ञानी गोठियाथे गा
मईके के पसिया हा घलो अनमोला वेद ग्रंथ परखाथे गा
कांतिकार्तिक भगती म गावै दिन रतिया
मौनी लाला जप म सनाके कहै बतिया

मईके के पसिया नोहर भोला बही मतिया
रे भोला बही मतिया

हो झन जाबे ओ मईके आज देवी परबतिया
हो देवी परबतिया