फूलवा – आरू साहू | Fulwa CG Song Lyrics | Beti Bachao Beti Padhao

💕 फूलवा 💕
🌹 Fulwa CG Song Lyrics🌹
🎵 Beti Bachao Beti Padhao 🎵

• गीत – फूलवा
• स्वर – आरू साहू
• गीतकार – सोमन लाल ध्रुव
• संगीत – कुलदीप सार्वा
• प्रकार – छत्तीसगढ़ी गीत
• लेबल – अमारा म्यूजिक छ0ग0

स्थायी
महूं तो तोर कोरा के दाई
नानकुन डुहरू फूलवा
महूं तो तोर कोरा के दाई
नानकुन डुहरू फूलवा
छतराए के पहली टोर डारे वो
कईसे मोला छोड़ डारे वो
छतराए के पहली टोर डारे वो
कईसे मोला छोड़ डारे वो

अंतरा 1
कसर का हे मोर जनम ले
अतक पान खड़थस वो
जे दिन जाने मोला गरभ म
येती वोती कलथस वो

खाचा खानी सरी वो दाई
जानसुन करे दु भेदवा
जानसुन करे दु भेदवा

महूं तोर कोरा के दाई
नानकुन डुहरू फुलवा
महूं तोर कोरा के दाई
नानकुन डुहरू
ममहाए के बेरा मोर डारे वो दाई
कईसे मोला छोड़ डारे वो
छतराए के पहली टोर डारे वो दाई
कईसे मोला छोड़ डारे वो

अंतरा 2
मोर जीव ला जीव नई जाने
जाने काड़ी कचरा वो
का हे खंगती मोर कुबत म
बता देना अतरा वो

महूं तो कुलवंतीन दाई
जाने मोला उदले भेलवा
जाने मोला उदले भेलवा

महूं तोर कोरा के दाई
नानकुन डुहरू फुलवा
महूं तोर कोरा के दाई
नानकुन डुहरू
अमराए के पहली फोर डारे वो दाई
कईसे मोला छोड़ डारे वो
छतराए के पहली टोर डारे वो दाई
कईसे मोला छोड़ डारे वो

अंतरा 3
निर्मोही तै निच्चट बन के
नई करे दुलार वो
अतेक पान बैरी बनगेंव
बनगेस कटार वो

मया बर तैं पुतना बन गे
समझे मोला गर के गेरवा
समझे मोला गर के गेरवा

महूं तोर कोरा के दाई
नानकुन डुहरू फुलवा
महूं तोर कोरा के दाई
नानकुन डुहरू
बंधाए के पहली छोर डारे वो दाई
कईसे मोला छोड़ डारे वो
छतराए के पहली टोर डारे वो दाई
कईसे मोला छोड़ डारे वो