अंजोरी पाख म Anjori Pakh Ma Lyrics – Kanchan Joshi, Vivek Sharma

अंजोरी पाख म

Anjori Pakh Ma Lyrics

CG Song Lyrics

• गीत – अंजोरी पाख म
• स्वर – कंचन जोशी, विवेक शर्मा
• गीतकार – शुक्कु बरिक
• संगीत – परवेज खान
• प्रकार – छत्तीसगढ़ी गीत
• लेबल – कीर्ति म्यूजिक सीजी

स्थायी
आंखी आंखी म झूलै सूरतिया रानी
अंजोरी पाख म
धीरे धीरे तैंहा चले आबे रानी
अंजोरी पाख म तैं आजा साथ म
मया के आस म मोर दिन अउ रात म
तोर भाग के बाटा हा लिखा गे मोरे भाग म
आंखी आंखी म झूलै सूरतिया रानी
अंजोरी पाख म

आती जाती खोजै तोला अंखिरा राजा
अंजोरी पाख म
पीछे पीछे मैं हा आगेंव मोरे दीवाना
अंजोरी पाख म
अंजोरी पाख म चईत बैसाख म
तोर गोठ बात म धनी ले के हाथ म
सरी नाता गोता छोड आगेंव जोही तोरे साथ म
आती जाती खोजै तोला अंखिरा राजा
अंजोरी पाख म

अंतरा 1
झूल झूल तोर रेंगना मोला गजब सुहाए
मोहनी रूप धर के रानी जिवरा म समाए
टुकुर टुकुर देखेंव तोला मन ला मोर भाए
सादगी हा तोर दीवाना सुध ला मोर मताए
नैना ले जोगनी तैं रिझाए मोला वो
सपना तैं अनबोलनी तैं देखाए मोला वो
अनबोधना मोहना आबे दीवाना
अंजोरी पाख म
मन बसिया रसिया जोहत हंव तोला
अंजोरी पाख म

अंतरा 2
तोर मया के भाखा बोली दीवानी बनाए
देखे हावव जे दिन ले तोला काही नई रूचाए
सपना के मोर रानी तैं हा जिनगी म जब आए
मोर मया के दुनिया म तैं चंदा बन के छाए
अंगना ले अंगना म तोर जाही डोला गा
बंधना म मया बांध लेहे तोला मोला गा
संग लेके आहूं बरतिया रानी
अंजोरी पाख म
बन के आबे तैं मोर दुल्हनिया रानी
अंजोरी पाख म
अंजोरी पाख म तैं आजा साथ म
मया के आस म मोर दिन अउ रात म
तोर भाग के बाटा हा लिखा गे मोरे भाग म
आती जाती खोजै तोला अंखिया राजा
अंजोरी पाख म
आंखी आंखी म झूलै सुरतिया रानी
अंजोरी पाख म
आती जाती खोजै तोला अंखिया राजा
अंजोरी पाख म