आमा माऊर 2 Aama Mour 2 Lyrics – Vivek Sharma, Kanchan Joshi

आमा माऊर 2

Aama Mour 2 Lyrics

New CG Song Lyrics 

– Vivek Sharma, Kanchan Joshi

• गीत – आमा माऊर 2
• स्वर – पं. विवेक शर्मा, कंचन जोशी
• गीतकार – एन एस सुल्तान
• म्यूजिक – पं. विवेक निलेश शर्मा
• लेबल – बिन्दास बहुरानी

मया म माते मन बईहा हा
रही गांव कोनो खोर
सुरता म सुरियाते रईहौ
सिरतोन तोर आमा माऊर

बछर सिरागो तोर अगोरा
गे हस ककता दूर
रद्दा जोहत दिन पहागे
हमर आमा माऊर
हमर आमा माऊर

स्थायी
आमा के डारा रे झूल झूल जाए
आमा के डारा रे झूल झूल जाए
तैं हा सपना मा आए मोर नींद खुल जाए
रे नींद खुल जाए संगवारी

आमा के डारा रे झूल झूल जाए
तैं हा सपना मा आए मोर नींद खुल जाए
रे नींद खुल जाए संगवारी

बरसे के करा करा अब घूर घूर जाए
बरसे के करा करा अब घूर घूर जाए
संगी बईहा म आना के दूर दूर जाए
के दूर दूर जाए संगवारी

अंतरा 1
तरिया के पानी हिलोर मारे
ये तरिया के पानी हिलोर मारे
तोर तिरछी नजर मोला मोही डारे
मोला मोही डारे संगवारी

छानी म बगरे तरोई नारे
छानी म बगरे तरोई नारे
तोर फुल हांसन हांसी म दिल हारे
के दिल हारे संगवारी

अंतरा 2
सुरूज निहारे चंदैनी लुकाए
ये सुरूज निहारे चंदैनी लुकाए
तोर आए के आशा म काजर सुखाए
रे काजर सुखाए संगवारी

तोर लाली के लुगरा गजब मोला भाए
तोर आंखी के काजर म मन मोर समाए
रे मन मोर समाए संगवारी

आमा हा माऊर गे ना
आमा हा माऊर गे ना
ये वो गांवतरहिन गोरी
बांधे मया के डोरी
अंचरा म बांध डारे ना

दिन भर मैं सुमिरौ तोरे नाव
दिन भर मैं सुमिरौ तोरे नाव
बस म मोर मन नई हे
तही हा मोरे छांव ना

अंतरा 3
लकरी ला बारे म फुक लागे
लकरी ला बारे म फुक लागे
संगी सुरूज ले सुग्घर तोर मुख लागे
रे मुख लागे संगवारी

हां डोंगरी म परसा के रूख जागे
डोंगरी म परसा के रूख जागे
तोर बचन मोला नीक लागे
मोला नीक लागे संगवारी

• Aama Mour Lyrics Part 1
• Aama Mour Lyrics Part 2