दिये मोला काबर कैना के जनम – शैल किरण | Diye Mola Kabar Kauna Ke Janam Lyrics | CG BIHAV GEET LYRICS

• गीत – दिये मोला काबर कैना के जनम
• स्वर – शैल किरण, दुकालू यादव, मोना सेन
• गीतकार – गिरिवर दास मानिकपुरी
• संगीतकार – उत्तम तिवारी
• एल्बम – टिकावन
• प्रकार – छत्तीसगढ़ी बिहाव गीत
• लेबल – केके कैसेट

स्थायी

दिये मोला काबर वो

दाई कईना के जनम

लिखे होबे काबर गा

दाता मोरे फूटहा करम

दिये मोला काबर वो

दाई कईना के जनम

लिखे होबे काबर गा

दाता मोरे फूटहा करम

पांख कटागे प्रभु मोर 

उड़व कईसे आगासे म

बांधत हे काबर मोला डोर

बिहा के अईसे फांसे म

दिये मोला काबर वो

दाई कईना के जनम

अंतरा 1

कहां गंवागे मोरे पोरा अउ चुकिया

कईसे उजड़गे मोर घर गुंदिया

कहां गंवागे मोरे पोरा अउ चुकिया

कईसे उजड़गे मोर घर गुंदिया

मन के पीरा काला बोलव

कठवा कस पुतरी डोलव

नई हे कोनो मोर सुनईया

नई हे कोनो गा बचईया

कलपत हे मोर बचपन

यही मनखे के धरम

दिए मोला काबर वो

दाई कईना के जनम

अंतरा 2

संगी जहूंरिया लिखही पढ़ही

पढ़ लिख दुनिया म भाग वो गढ़ही

संगी जहूंरिया लिखही पढ़ही

पढ़ लिख दुनिया म भाग वो गढ़ही

बाबू मोला कोन पढ़ाही

कोन रद्दा मोला बताही

कईसे सपना पूरा होही

मोर आस के पंछी रोही

काबर पाले हावै सरी देश

बेटी बेटा में भरम

लिखे होबे काबर गा

दाता मोरे फूटहा करम

दिए मोला काबर वो

दाई कइना के जनम

लिखे होबे काबर गा

दाता मोरे फूटहा करम

पांख कटागे प्रभु मोर 

उड़व कईसे आगासे म

बांधत हे काबर मोला डोर

बिहा के अईसे फांसे म

दिये मोला काबर वो

दाई कईना के जनम

लिखे होबे काबर गा

दाता मोरे फूटहा करम

दाता मोरे फूटहा करम

दाता मोरे फूटहा करम

दाता मोरे फूटहा करम