🌺Bidai Geet Lyrics🌺
❇️CG BIHAV GEET LYRICS ❇️
- गीत - बिदाई गीत
- स्वर - परमानंद करियार, शैल किरण
- एल्बम - पाणि ग्रहण
- प्रकार - छत्तीसगढ़ी विवाह गीत
- लेबल - केके कैसेट
दाई के कोरा सुन्ना होगे
ददा के हिरदय सुन्ना हो
हो परछी अंगना कुरिया सुन्ना
तोर बिन बेटी जग सुन्ना वो
स्थायी
अचरा के छंईहा म बेटी तोला पालेंव पोसेंव
आँखी के पुतरी कस नोनी मैं हर तोला देखेंव
अचरा के छंईहा म बेटी तोला पालेंव पोसेंव
आँखी के पुतरी कस नोनी मैं हर तोला देखेंव
होगे सुन्ना कोरा तोर बिन
छुटत हे परान
मोर बेटी वो आज ले होगे तैं बिरान
दुलौरिन वो आज ले होगे तै बिरान
तैं सगा बरोबर होगे वो बेटी
पहुना बरोबर होगे वो
तैं सगा बरोबर होगे वो बेटी
पहुना बरोबर होगे वो
अंतरा 1
ददा के होगे करेजा चानी
बरसे आँखी ले पानी
कईसे कटही तोर बिन बेटी
बाचे ये जिनगानी
ददा के होगे करेजा चानी
बरसे आँखी ले पानी
कईसे कटही तोर बिन बेटी
बाचे ये जिनगानी
मोर अंगना के पंछी उड़ागे
मोर अंगना के पंछी उड़ागे
छाती म लागे बान
मोर बेटी वो आज ले होगे तैं बिरान
दुलौरिन वो आज ले होगे तैं बिरान
अंतरा 2
बिधि के इही विधान ए नोनी
बेटी पराया धन हे वो
हो जग के रीति सदा चलत हे
इही मया बंधन हे वो
नव महिना ले गरभ म राखेंव
तोला दूध पिलाऐंव वो
छिन भन नई राखेंव तोला दुरिहा
कोरा म अपन खेलाऐंव वो
नव महिना ले गरभ म राखेंव
तोला दूध पिलाऐंव वो
छिन भन नई राखेंव तोला दुरिहा
कोरा म अपन खेलाऐंव वो
छोड़ के अब चल देबे वो बेटी
छोड़ के अब चल देबे वो बेटी
छुटत हे परान
मोर बेटी वो आज ले होगे तैं बिरान
दुलौरिन वो आज ले होगे तैं बिरान
मोर बेटी वो आज ले होगे तैं बिरान
दुलौरिन वो आज ले होगे तैं बिरान
तैं सगा बरोबर होगे वो बेटी
पहुना बरोबर होगे वो
तैं सगा बरोबर होगे वो बेटी
पहुना बरोबर होगे वो
दुलौरिन वो आज ले होगे तैं बिरान
Comments
Post a Comment