Dongri Ke Teer Ma Gadi Lyrics
Mamta Chandrakar CG Song Lyrics
- गीत - डोंगरी के तीर म गाड़ी
- स्वर - ममता चन्द्राकर, सुनील सोनी
- संगीत - प्रेम चन्द्राकर
- लेबल - सुन्दरानी
स्थायी
डोंगरी के तीर म गाड़ी
झन लेगबे जोड़ीदार
ओती बैरी पवन लहराये रे
मोरे जिया बहुत घबराये रे
मोला जावन दे
नंदिया के तीर म गाड़ी
लेगत हौं जोड़ीदार
नंदिया के तीर म गाड़ी
लेगत हौं जोड़ीदार
ओती झर झर नंदिया बोहाये या
मोरे जिया म आगी लगाये या
गाड़ी हाकन दे
जावन दे मोला जावन दे
दाई हा गारी दीही जावन दे
अंतरा 1
ऐ रे गड़ी ओ दिन काबर तैं मोला
नंदिया के तीर म बुलाये
थर थर कांपत रहिगे तैं हा
लाज म मुंहु ला छुपाये
मोला बतादे बही
मोला बता दे या
काबर बलाये रेहे
मोला बतादे ना
अब तो बाली उमर नई सहाये रे
कखरो सुरता म रतिहा पहाये रे
मोला जावन दे
जावन देना मोला जावन दे
दाई हा गारी दीही जावन दे
हाकन देना गाड़ी हाकन दे
अंतरा 2
नांहे नांहे रेहेन
दाई के कोरा में
अब तो जवानी बैरी आगे
दाई दीदी बरजे
झन जा अकेला
धक धक जिया मोरे लागे
जब ले मैं देखेव तोला
दिल धड़के तोर बर
सरी दुनिया हा संगी
माटी हे मोर बर
हो मया बिन बिरथा जिनगानी हे
जईसे मछरी हा तड़पे बिन पानी के
बही मया कर ले
जावन देना मोला जावन दे
दाई हा गारी दीही जावन दे
हाकन देना गाड़ी हाकन दे
हाकन देना गाड़ी हाकन दे
