अब मोला जान दे संगवारी Ab Mola Jan De Sangwari Lyrics | Old CG Song Lyrics

• गीत – अब मोला जान दे संगवारी
• स्वर – कविता वासनिक 
• गीत – लक्ष्मीनारायण कुम्भकार
• संगीत – खुमान खाव, उत्तम तिवारी
• लेबल – सुंदरानी

स्थायी

अब मोला जान दे संगवारी

अब मोला जान दे संगवारी

अब मोला जान दे संगवारी

अब मोला जान दे संगवारी

आधा रात पहागे 

मोला घर म देही गारी ओ रामा

अब मोला जान दे संगवारी

अब मोला जान दे संगवारी

अब मोला जान दे संगवारी

अब मोला जान दे संगवारी

अंतरा 1

गांव घर के सबो मनसे सुत गे

देख चिराई चिरगुन सुत गे

पुरवाई उंघावत हावै 

ठाढ़े रूख राई मन सुत गिन

नंदिया सुत गे नरवा सुत गे

छानी सुत गे परवा सुत गे

दिन दिन भर के थके मांदे 

कोठा म सब गरवा सुत गिन

सोवत हे रात उजियारी

अब मोला जान दे संगवारी

अब मोला जान दे संगवारी

अब मोला जान दे संगवारी

अंतरा 2

काल फेरेच मैं ऐ मेर आहूं

हांस हांस तोरसो गोठियाहूं

तैं मोर जिनगानी के संगी

तोला छोड़ कहां मैं जाहूं

तोर कहे ले दौड़त आथौ

घर म अड़बड़ गारी खाथौ

गाड़ पिराथे तभो तोर बर

घेरी पईत तरईया आथौ

मैं राधा तोर तैं बनसारी

अब मोला जान दे संगवारी

अब मोला जान दे संगवारी

अब मोला जान दे संगवारी

अंतरा 3

तोर का तैं तो तान के सुतबे

दिन चढ़ जाही तभे उठबे

बूता कुछु नही करे बर

मोर गली म गावत रेंगबे

मैं घर के सब बूता करथौ

गाय गरू बर पानी भरथौ

घर के साफ सफाई करथौ

रंधाई कुटाई करथौ

बड़े बिहनिया जाथौ बारी

अब मोला जान दे संगवारी

अब मोला जान दे संगवारी

अब मोला जान दे संगवारी

आधा रात पहागे 

मोला घर म देही गारी ओ रामा

अब मोला जान दे संगवारी

अब मोला जान दे संगवारी

अब मोला जान दे संगवारी

अब मोला जान दे संगवारी

अब मोला जान दे संगवारी

अब मोला जान दे संगवारी