- गीत : सुवा ले जा संदेश
- गायिका : आरू साहू
- गीतकार : तिलक राजा
- संगीतकार : प्रमोद मानिकपुरी
- लेबल : सुंदरानी
स्थायी
सुवा रे सुवा रे उड़ जा तैं सुवा
सुवा रे सुवा रे उड़ जा तैं सुवा
तरीहरि नाहना मोर नाहनारि नाना सुवा
ले जाना मोरे संदेश
तरीहरि नाहना मोर नाहनारि नाना सुवा
ले जाना मोरे संदेश
मोर पिया गये हे परदेश
हो मोर पिया गये हे परदेश
सुवा रे मोर ले जाना मोरे संदेश
अंतरा 1
उड़ी उड़ी जाबे सुवा पिया के नगरिया
उड़ी उड़ी जाबे सुवा पिया के नगरिया
पिया ला देबे रे संदेश
मन मोर व्याकुल हे मिलिहौं मैं कईसे रे
वो तो गये हे रे बिदेश
सुवा रे मोर ले जाना मोरे संदेश
अंतरा 2
हां निंदिया नई आवै मोला सारी सारी रतिहा
निंदिया नई आवै मोला सारी सारी रतिहा
लागै मोला छतिया मा ठेस
कईसे ओकर बिन मोर जिनगी पहाही रे
वो तो गये हे परदेश
सुवा रे मोर ले जाना मोरे संदेश
अंतरा 3
हां तड़पत रईथौ बिन पानी मछुरिया
तड़पत रईथौ बिन पानी मछुरिया
पहूंचा दे मोरे संदेश
भूख नई जनावै मोला राजा के सुरता मा
वो तो गये हे बिदेश
सुवा रे मोर ले जाना मोरे संदेश
तरीहरि नाहना मोर नाहनारि नाना सुवा
ले जाना मोरे संदेश
तरीहरि नाहना मोर नाहनारि नाना सुवा
ले जाना मोरे संदेश
मोर पिया गये हे परदेश
मोर पिया गये हे परदेश
सुवा रे मोर ले जाना मोरे संदेश
