- गीत : माटी ला छोड़ी झन जाना
- गायक : सुनील सोनी, ममता चन्द्राकर
- गीतकार : प्रेम साइमन
- संगीतकार : प्रेम चन्द्रकर
- फिल्म : रघुबीर
- लेबल : सुन्दरानी
स्थायी
माटी ल छोड़ी झन जाना
माटी ल छोड़ी तैं हा जावत हस जा रे बेटा
जल्दी तैं लहूट के आना
उहूं लाला जल्दी तैं लहूट के आना
इही माटी म रे बेटा खेले कूदे हावस ग
माटी के करजा चुकाना
उहूं लाला माटी के करजा चुकाना
जल्दी तैं लहूट के आना
अंतरा 1
ये भुईया के लालन बेटा तैं तो सिधवा लाल रे
इहे करम हे इहे धरम हे इहे गंगा धाम रे
ये भुईया के लालन बेटा तैं तो सिधवा लाल रे
इहे करम हे इहे धरम हे इहे गंगा धाम रे
डोरी झन टूटे रे संगी बंधना झन छुटे रे संगी
भुंईया ले रिसता निभाना
उहूं लाला भुईला ले रिसता निभाना
माटी ला छोड़ी झन जाना
अंतरा 2
धरती मईया के रक्षा खातिर जाथस तैं बड़ा दूर रे
जल्दी तैं हा लहूट के आबे झन जाबै तैं भूल रे
धरती मईया के रक्षा खातिर जाथस तैं बड़ा दूर रे
जल्दी तैं हा लहूट के आबे झन जाबै तैं भूल रे
राजा दुलरवा बेटा जा रे मोर हीरा बेटा
दूध के करजा चुकाना
उहूं लाला दुध के करजा चुकाना
माटी ल भूली झन जाना
