श्री भगवती चरण ला मनावौ Shree Bhagwati Charan La Manao Lyrics | Dukalu Yadav Old CG Jas Geet | पुराना जस गीत

श्री भगवती चरण ला मनावौ – दुकालू यादव लिरिक्स 
Shree Bhagwati Charan La Manao Lyrics 
  • गीत : श्री भगवती चरण ला मनावौ
  • गायक : दुकालू यादव
  • गीतकार : प्रेम उस्ताद
  • संगीतकार : राम कुमार साहू
  • लेबल : केके कैसेट

 

 

बोल शारदा मैया की जय 
 
श्री भगवती चरण ला मनावौ ओ
श्री भगवती चरण ला मनाव
हो श्री भगवती चरण ला मनावौ ओ
श्री भगवती चरण ला मनाव
 
यहो हे महामायी दुर्गा दाई ओ
हे महामायी दुर्गा दाई तोरे जस ला गावौ ओ
श्री भगवती चरण ला मनाव
यहो हे महामायी दुर्गा दाई ओ
हे महामायी दुर्गा दाई तोरे जस ला गावौ ओ
श्री भगवती चरण ला मनाव
 
अंतरा 1
यहो पहली सुमरनी तोर करत हौ डोगरगढ़ बमलाई
यहो बाधा विघन ला हरबे माता रहिबे मोर सहाई
यहो जइसे विकरम आदित के दाई आ के करेस भलाई
यहो अइसने मोरो दुख के बादर छाटबे तै हर दाई
यहो हे बमलाई हे समलाई ओ
यहो हे बमलाई हे समलाई तोरे जस ला गावौ हो
श्री भगवती चरण ला मनाव
यहो श्री भगवती चरण ला मनावौ ओ
श्री भगवती चरण ला मनाव
 
अंतरा 2
यहो तीरस सुमरनी करत हौ मैं शारदा मैहर वाली
यहो तै नरसिंग भगवान के बहिनी सउहे हस तै काली
यहो रतन जड़ाये माथ मकुटिया पहिने खिंनवा बाली
यहो आल्हा उदल के तै कुल देवी सदा करे रखवाली
यहो मैहर वाली शारदा माई हो
यहो मैहर वाली शारदा माई तोरे जस ला गावौ ओ
श्री भगवती चरण ला मनाव
हो श्री भगवती चरण ला मनावा ओ
श्री भगवती चरण ला मनाव
 
अंतरा 4
यहो सतवंतीन महामायी ला सुमिरौ तीजे माथ नवायें
यहो रतनपुर में साज सजाये भगत के आस पुराये
हो राजा मोरजध्वज हा माता परछो ला तोर पाये
यहो सोनई रूपई ओ तरिया खनागे मंदिर तोर बनाये
यहो से सतवंतीन हे धनवंतीन हो
यहो से सतवंतीन हे धनवंतीन तोरे जस ला गावौ हो
श्री भगवती चरण ला मनाव
श्री भगवती चरण ला मनावौ ओ
श्री भगवती चरण ला मनाव
 
अंतरा 5
यहो चौथे सुमिरनी सुमिरौ मै हर माते श्री खल्लारी
यहो बंजारा के कारण तै हर रूप धरे बंजारी
यहो पखरा लहूट गे वो बंजारा अब ले आथे चिन्हारी
यहो जइसे तै हा तइहा समय में करे चरित महतारी
यहो हे बंजारी हे खल्लारी हो
यहो हे बंजारी हे खल्लारी तोरे जस ला गावौ ओ
श्री भगवती चरण ला मनाव
श्री भगवती चरण ला मनावौ ओ
श्री भगवती चरण ला मनाव
 
अंतरा 6
यहो पांचवा सुमरनी माता बिलई के सुमर सुमर के गावौ
यहो छटवा सुमरनी अंगार मोती के गा के माथ नवावौ
यहो सांतवा तेलीन सक्ति के गावौ जस बगरावौ
यहो आठवां सुमरनी दंतेश्री के गा के मै ध्यान लगावौ
यहो हे महामायी दुर्गा दाई हो
यहो हे महामायी दुर्गा दाई तोरे जस ला गावौ ओ
श्री भगवती चरण ला मनाव
श्री भगवती चरण ला मनावौ ओ
श्री भगवती चरण ला मनाव
 
अंतरा 7
यहो छत्तीसगढ़ के चारो मुड़ा में माता हावौ बिराजे
यहो चईत कुंवार मा मेला भराथे जाथे संते समाजे
यहो झांझ मंजीरा ढ़ोल नंगारा तुहर दुआरी बाजे
यहो जोन तुहर डेहरी में जाथे ओकर बनाथौ काजे
यहो सुमर सुमर के झुमर झुमर के हो 
यहो सुमर सुमर के झुमर झुमर के प्रेम के जस ला गावौ ओ
श्री भगवती चरण ला मनाव
यहो श्री भगवती चरण ला मनावौ ओ
श्री भगवती चरण ला मनाव
यहो हे महामायी दुर्गा दाई हो
यहो हे महामायी दुर्गा दाई तोरे जस ला गावौ ओ
श्री भगवती चरण ला मनाव
दाई ओ 
ओ दाई ओ 
ओ दाई ओ
ओ ओ ओ 
ओ दाई ओ

Related posts:

Leave a comment

x
error: Content is protected !!