- गीत : जिनगी के नई हे गा ठीकाना
- गायक : हिरेश सिन्हा
- गीतकार : हिरेश सिन्हा
- संगीतकार : अमित प्रधान
स्थायी
जिनगी के नई हे गा ठीकाना
जिनगी रहत ले संगी कर ले तै धरम करम गा
दुनिया ले सबो ला हे जाना
हा हा मोर भैया दुनिया ले सबो ला हे जाना
अंतरा 1
माटी के ये काया हे माटी माटी हो जाही
झन कर ना विरथा गुमाना
काया तोर संग नई जाही हाडा तोर संग नई जाही
राखे तोर गंगा मा बहाना
हा हा मोर दीदी
राखे तो गंगा मा बहाना
अंतरा 2
आही एक दिन ले निहारी
ले के सब ला चले जाही
नई चलही कखरो बहाना
जिवरा तोर कलपत रईइी तै कहिबे मै नई जावौ
दु दिन दुनिया मे हे पहाना
अंतरा 3
करनी के मै फल पाहूं कहिके तै रोवत रइबे
आंखी ले आंसू हे बहाना
बेरा अभी हे भैया सुमत के दिया जला ले
बादे पडही ना पछताना
हा हा मोर भैया नई चलही कखरो बहाना
जिनगी के नई हा ना ठीकाना
जिनगी के नई हे गा ठीकाना
जिनगी रहत ले संगी कर ले तै धरम करम ना
दुनिया ले सबो ला हे जाना
नई चलही कनहो बहाना
